اظہارِ رائے کی مکمل آزادی کا ترجمان

پاکستان سمیت دُنیا بھر میں رمضان المبارک کا چاند نظر آ گیا

بروز جمعرات مورخہ 17 مئی کو ماہِ رمضان المبارک کا پہلا روزہ ہو گا

23

Get real time updates directly on you device, subscribe now.

چیئرمین مرکزی رویت ہلال کمیٹی "مفتی منیب الرحمٰن” نے رمضان المبارک کا چاند نظر آنے کا اعلان کر دیا۔

مرکزی رویت ہلال کمیٹی کا اجلاس چیئرمین کمیٹی مفتی منیب الرحمٰن کی زیر صدارت میٹ کمپلیکس کراچی میں ہوا، جس میں زونل کمیٹی کے اراکین، محکمہ موسمیات، سپارکو اور پاک بحریہ کے نمائندے بھی شریک تھے۔

 

شہادتیں ملنے کے بعد چاند نظر آنے کا اعلان کرتے ہوئے مفتی منیب الرحمٰن نے کہا کہ ’پاکستان کے مختلف علاقوں میں چاند نظر آگیا ہے، لہٰذا پہلا روزہ کل بروز جمعرات 17 مئی کو ہوگا۔

زونل کمیٹیوں کے اجلاس صوبائی ہیڈ کوارٹرز میں ہوئے جہاں چاند کی رویت کے حوالے سے شہادتیں جمع کرنے کے لیے کنٹرول رومز بھی قائم کیے گئے تھے۔

انہوں نے کہا کہ اپر دیر، کوئٹہ، نتھیاگلی، بونیر، ایبٹ آباد میں چاند نظر آگیا ہے اور تمام مصدقہ شہادتوں کی روشنی میں اس بات کی تصدیق ہوگئی ہے لہٰذا پاکستان میں پہلاروزہ کل بروز جمعرات17مئی کو ہوگا۔

واضح رہے کہ سعودی عرب سمیت خلیجی ممالک، انڈونیشیا، ملائیشیا، آسٹریلیا اور جاپان میں رمضان المبارک ہجری کا چاند گزشتہ روز نظر نہیں آیا تھا لہٰذا دنیا بھر میں پہلا روزہ کل جمعرات ہوگا۔

محکمہ موسمیات کے مطابق کراچی سمیت اکثر مقامات پر مطلع صاف رہا، کراچی میں غروب آفتاب 7 بج کر 10 منٹ پر ہوا، اس وقت چاند کی عمر تقریباً 27 گھنٹے تھی۔

چاند غروب آفتاب کے بعد 61 منٹ تک آسمان پر موجود رہا۔

قبل ازیں محکمہ موسمیات کا کہنا تھا کہ سندھ، پنجاب اور بلوچستان میں مطلع صاف ہونے کے باعث چاند نظر آنے کا قوی امکان ہیں۔

علاوہ ازیں ماہ رمضان کے چاند کے اعلان کے ساتھ ہی مساجد کی رونقوں میں اضافہ ہوگیا اور ملک بھر میں تراویح کے اجتماعات کی تیاریاں مذہبی جوش و جذبے سے کی جارہی ہیں۔

دوسری جانب محکمہ موسمیات نے کراچی میں رمضان المبارک کے پہلے ہفتے میں موسم کے گرم رہنے کی پیش گوئی کی ہے اور پہلے ہفتے میں درجہ حرارت 38 سے 40 ڈگری سینٹی گریڈ تک جانے کا امکان ہے۔

واضح رہے کہ گزشتہ روز سعودی عرب میں چاند نظر نہیں آیا تھا جس کی وجہ سے عرب ممالک میں یکم رمضان المبارک جمعرات کو ہوگا۔

محکمہ موسمیات کا کہنا ہے کہ ماہ رمضان کے پہلے ہفتے میں شمال مغربی ہوائیں چل سکتی ہیں تاہم کراچی میں شام کے اوقات میں سمندری ہوائیں چلنے کا امکان ہے۔


خبر کے بارے میں اپنی رائے کا اظہار کمنٹس میں کریں اور مذکورہ خبر کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

Get real time updates directly on you device, subscribe now.

جواب چھوڑیں

آپ کا ای میل ایڈریس شائع نہیں کیا جائے گا.

This site uses Akismet to reduce spam. Learn how your comment data is processed.